Beste kultura batzuetan ez bezala, janaria oso garrantzitsua da hemen Euskal Herrian, izan ere egunean 5 aldiz jaten dugulako gutxienez. Nik adibidez, goizean gosaldu eta gero jolastokian fruta edota ogitarteko txiki bat jaten dut. Ondoren 1etan bazkaldu egiten dut eta arratsaldean eskolatik irtetean merienda jaten dut. Azkenik gauean afaldu egiten dut.
Nire gurasoak denetik jaten erakutsi didate, eta nire gelako beste ume batzuekin alderatuz, txapelduna naiz kontu horretan. Besteek ez dakite indaba edota dilista batzuk jaten, elikadura beraien eskuetan egongo balitz, egunero makarroiak jango zituzketen. Hala ere nik badakit denetarik jatea garrantzitsua izateaz gain osasuntsua ere badela.
Orain nik astean zehar jaten dudana esango dizuet. Nik jaten ditut babarrunak, dilistak, garbantzuak, lekak, marmitakoa, ilarrak, porruak patatekin, makarroiak, arroza, arraina, okela, patata frijituak, entsalada, fruta, esnea, gazta, jogurta, natillak, arroz-esnea …
Eta faborez, nire beste ikaskideei zuzendua: Kasu egin zuen gurasoei eta jan ezazue denetarik!
Agur!
Aiora Burgoa
No hay comentarios:
Publicar un comentario